0

این اے 71 سے کامیابی کے بعد خواجہ آصف کا بیان

  • February 11, 2024

سیالکوٹ: مسلم لیگ(ن) کے رہنما خواجہ آصف کا این اے 71 سیالکوٹ میں اپنی کامیابی کے بعد بیان سامنے آیا ہے۔

تفصیلات کے مطابق پاکستان مسلم لیگ (ن) کے رہنما خواجہ آصف نے سوشل میڈیا پر پیغام جاری کیا ہے، انہوں نے کہا کہ این اے 71 کی عظیم عوام کا شکریہ۔

خواجہ آصف نے کہا کہ این اے 71 کے عوام نے خلوص محبت، قوی اعتماد، پر جوش حمایت سے نوازا، اعزاز کی بات ہے سیالکوٹ کے عوام نے مجھے متواتر 7 ویں مرتبہ اپنی نمائندگی کیلئے منتخب کيا۔

مسلم لیگ ن کے رہنما نے کہا کہ مجھے اپنے حلقے کے مسائل کا شدید احساس ہے، شہر کے تمام طبقات کے تعاون کی ضرورت ہوگی، میری ترجیحات میں نوجوان نسل اور خواتین کیلئے اعلیٰ تعلیم، روزگار کے مواقع ہیں۔

خواجہ آصف نے کہا کہ ایکسپورٹرز، تاجر حضرات ہمارے شہر کا اثاثہ ہیں، انکی خدمت پوری کمٹمنٹ سے ہوگی، مجھے آپکی دعاؤں کی ہمیشہ ضرورت رہے گی، اللہ ہمارا حامی ناصر ہو۔

واضح رہے کہ سیالکوٹ کے حلقہ این اے 71 سے خواجہ آصف کامیاب قرار پائے، آزاد امیدوار ریحانہ امتیاز ڈار دوسرے نمبر رہیں، دونوں امیدواروں کے درمیان کانٹے دار مقابلہ دیکھنے میں آیا ہے۔

لیکن این اے 71 سے آزاد امیدوار ریحانہ ڈار نے عام انتخابات میں مسلم لیگ (ن) کے رہنما خواجہ آصف کی کامیابی کو  عدالت میں چیلنج کردیا۔

Comments


#این #اے #سے #کامیابی #کے #بعد #خواجہ #اصف #کا #بیان