0

حکومت سازی، پی پی کی سی ای سی کا اہم اجلاس جاری

  • February 12, 2024

وفاق اور پنجاب میں حکومت سازی کے حوالے سے پاکستان پیپلزپارٹی کی سینٹرل ایگزیکیٹو کمیٹی (سی ای سی) کا اہم اجلاس جاری ہے۔

 

تفصیلات کے مطابق اسلام آباد میں پاکستان پیپلزپارٹی پارلیمنٹرینز کے صدر آصف علی زرداری اور چیئرمین پی پی پی بلاول بھٹو زرداری کی سربراہی میں سینٹرل ایگزیکٹو کمیٹی کا اجلاس ہوا، جس میں تمام اراکین نے شرکت کی۔

اجلاس کے آغاز پر شہدائے جمہوریت کو خراج عقیدت پیش کیا گیا۔ پاکستان پیپلزپارٹی کی سینٹرل ایگزیکٹو کمیٹی کے اراکین نے صدر پی پی پی پی آصف علی زرداری اور چیئرمین پی پی پی بلاول بھٹو زرداری کی قیادت پر اعتماد کا اظہار کرتے ہوئے انہیں تمام فیصلوں کا اختیار دے دیا۔

یہ بھی پڑھیں: بلاول وزیر اعظم نہیں بنتے تو ہمارا اپوزیشن نشستوں پر بیٹھنا بہتر ہے، فیصل کریم کنڈی

اجلاس میں عام انتخابات اور اس کے حوالے سے عوام کے ردعمل پر بات چیت کی گئی اور ملک کے مستقبل پر بھی تبادلہ خیال کیا گیا۔

پاکستان پیپلزپارٹی کی سینٹرل ایگزیکٹو کمیٹی کے اراکین کی جانب سے ملک کی سیاسی، معاشی اور حکومتی صورت حال کے حوالے سے مختلف تجاویز کیا گیا۔

اس سے قبل ذرائع سے یہ بات سامنے آئی کہ پاکستان پیپلزپارٹی اور ن لیگ کے درمیان وفاق و پنجاب میں حکومت سازی کیلیے بات چیت حتمی راؤنڈ میں داخل ہوگئی ہے۔  ذرائع کا کہنا تھا کہ بلاول بھٹو کو وزیراعظم نامزد کرنے پر پنجاب ن لیگ کو دینے جبکہ وزارت عظمیٰ کے عوض پیپلزپارٹی نے وفاق اور پنجاب میں اہم نشستیں مانگنے پر بھی غور شروع کردیا۔

مزید پڑھیں: مسلم لیگ (ن) نے وفاق میں حکومت سازی کے حوالے سے ابتدائی فارمولا طے کر لیا

ذرائع کا کہنا ہے کہ حکومت سازی کیلئے ن لیگ اور پیپلزپارٹی کی قیادت میں ملاقات متوقع، نگران وزیراعلی پنجاب ن لیگ پیپلزپارٹی کے درمیان پاور شیئرنگ فارمولا فائنل کروانے میں اپنا کردار ادا کریں گے۔


#حکومت #سازی #پی #پی #کی #سی #ای #سی #کا #اہم #اجلاس #جاری