فلسطین کے حامی کارکن نے جو بائیڈن کو ’نسل کش جو‘ قرار دے دیا

جارجیا: امریکی ریاست جارجیا میں ایک تقریب سے خطاب کے دوران امریکی صدر جو بائیڈن کو فلسطین کے ایک حامی کارکن نے ’نسل کش جو‘ قرار دے دیا، جس کی ویڈیو سوشل میڈیا پر وائرل ہو گئی ہے۔

غیر ملکی میڈیا رپورٹس کے مطابق فلسطین کے حامی ایک کارکن نے جو بائیڈن کو اس وقت بات کرنے سے اچانک روک دیا جب وہ جنوبی ریاست جارجیا کے شہر اٹلانٹا میں انتخابی مہم کی تقریر کر رہے تھے۔

سوشل میڈیا پر پوسٹ کی گئی ویڈیو میں دیکھا اور سنا جا سکتا ہے کہ فلسطین کا حامی کارکن چیخ کر امریکی صدر سے کہتا ہے: ’’بائیڈن تم ایک آمر ہو، نسل کش جو۔‘‘ فلسطین کے حامی کارکن نے کہا صدر جو بائیڈن، فلسطین میں نسل کشی ہو رہی ہے، ہزاروں فلسطینی جان سے ہاتھ دھو بیٹھے ہیں، بچے مر رہے ہیں۔

BREAKING: Joe Biden interrupted by Palestine solidarity activists during his campaign rally in Atlanta, GA.

Protesters demanded an immediate ceasefire, end to aid to Israel, and to end the Georgia International Law Enforcement Exchange GILEE, where U.S. police are trained by… pic.twitter.com/F5SPBsSLXU

— BreakThrough News (@BTnewsroom) March 10, 2024

کارکن کے احتجاج کے بعد وہاں موجود سبھی شرکا نعرے لگانے لگے، صدر جوبائیڈن کی انتخابی مہم کے دوران فلسطین کے حامی کارکن کا احتجاج انتظامیہ برداشت نہ کر سکی، الجزیرہ کے مطابق مقامی میڈیا کا کہنا ہے کہ مظاہرین کو سیکرٹ سروس کے اہلکار گھسیٹ کر لے گئے۔

اسرائیلی سازش بے نقاب ہوتے ہی کینیڈا اور سویڈن نے غزہ فنڈنگ بحال کر دی

احتجاج کرنے والے کو لے جائے جانے کے بعد امریکی صدر نے کہا کہ انھوں نے احتجاج کرنے والے کے جذبے پر کوئی اظہار ناراضی نہیں کیا، ایسے بہت سارے فلسطینی ہیں جنھیں غیر منصفانہ طور پر نشانہ بنایا جا رہا ہے۔

Comments