0

فلمی اسٹار جیا پردا کے خلاف غیر ضمانتی وارنٹ جاری

  • February 14, 2024

Non-bailable warrant issued for the arrest of film star Jaya Prada
Non-bailable warrant issued for the arrest of film star Jaya Prada

نئی دہلی: سابق رکن پارلیمنٹ اور فلمی اسٹار جیا پردا کو عدالت نے گرفتار کرنے کا حکم دیا ہے۔ ضابطہ اخلاق کی خلاف ورزی کے دو معاملات میں عدالت میں پیش نہیں ہوئیں۔ اس پر سخت موقف اختیار کرتے ہوئے عدالت نے ایک بار پھر ان کے خلاف ناقابل ضمانت وارنٹ جاری کر دیئے۔ عدالت نے پولیس کو حکم دیا ہے کہ وہ جیا پردا کو گرفتار کر کے پیش کریں۔ اس معاملے میں سماعت کے لیے 27 فروری کی تاریخ مقرر کی گئی ہے۔ پولیس نے ناقابل ضمانت وارنٹ حاصل کرکے اداکارہ کی تلاش شروع کردی ہے۔ اس سے پہلے بھی پولیس جیا پردا کی تلاش میں پولیس دہلی پہنچی تھیں۔

سابق رکن پارلیمان جیا پردا نے سال 2019 میں رام پور پارلیمانی حلقہ سے لوک سبھا الیکشن لڑی تھیں۔ اس دوران ان کے خلاف سواڑ اور کیمری پولیس اسٹیشنوں میں ضابطہ اخلاق کی خلاف ورزی کے مقدمات درج کیے گئے۔ ان مقدمات کی سماعت اسپیشل جج ایم پی ایم ایل اے مجسٹریٹ کورٹ میں چل رہا ہے۔ اس معاملے میں جیا پردا مسلسل تاریخوں پر نہیں آ رہی ہیں۔ اس معاملے پر ماضی میں بھی ان کے خلاف ناقابل ضمانت وارنٹ جاری ہو چکے ہیں۔

جیا پردا کے خلاف ضابطہ اخلاق کی خلاف ورزی کے معاملے میں جمعرات کو سماعت ہوئی۔ لیکن، جے پردا دوبارہ عدالت میں حاضر نہیں ہوئیں۔ اے ڈی جی سی سندیپ سکسینہ نے کہا کہ جیا پردا کے مسلسل تاریخ پر نہ آنے کی وجہ سے ایک بار پھر انہیں غیر ضمانتی وارنٹ جاری کیا گیا ہے۔ سماعت کی تاریخ 27 فروری مقرر کی گئی ہے۔

مزید پڑھیں: جے این یو کے سابق طالب علم عمر خالد نے سپریم کورٹ سے اپنی درخواست ضمانت واپس لے لی

معلوم ہو کہ ایس پی نے جیا پردا کی گرفتاری کے لیے ایک خصوصی ٹیم تشکیل دی ہے۔ اس ٹیم نے جے پردا کے دہلی، ممبئی اور حیدرآباد دفتر تک دبش دے چکی ہے۔


سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS

Previous articleجے این یو کے سابق طالب علم عمر خالد نے سپریم کورٹ سے اپنی درخواست ضمانت واپس لے لی
SNB Newsroom

#فلمی #اسٹار #جیا #پردا #کے #خلاف #غیر #ضمانتی #وارنٹ #جاری