0

ملک بھر میں ایکس (ٹوئٹر) سروس تک رسائی میں دشواری

  • February 18, 2024

ملک بھر میں صارفین کو ایکس (ٹوئٹر) سروس تک رسائی میں دشواری پیش آ رہی ہے۔

تفصیلات کے مطابق گزشتہ روز کمشنر راولپنڈی لیاقت علی چھٹہ کی جانب سے نیوز کانفرنس میں بدترین انتخابی دھاندلی کے انکشاف کے بعد پاکستان بھر میں سوشل میڈیا صارفین کو ایکس کی سروس تک رسائی حاصل کرنے میں دشواری کا سامنا ہے۔

رات کو 9 بجے ایکس کی سروس بند ہو گئی تھی، سروس متاثر ہونے کے بعد سے صارفین ایکس پر نہ کچھ پوسٹ کر سکتے ہیں اور نہ ہی کچھ دیکھ سکتے ہیں۔

راولپنڈی ڈویژن میں انتخابی دھاندلی کی ذمہ داری قبول کرتا ہوں، کمشنر

انٹرنیٹ پر بندشوں کی نگرانی کرنے والے ادارے نیٹ بلاکس نے اس کی تصدیق کرتے ہوئے کہا ہے کہ پاکستان بھر میں صارفین کو ایکس تک رسائی میں مشکلات کا سامنا ہے۔

واضح رہے کہ گزشتہ روز کمشنر راولپنڈی لیاقت چھٹہ نے الیکشن 2024 کے نتائج میں بدترین دھاندلی کی ذمہ داری قبول کرتے ہوئے اعلان کیا کہ وہ خود کو پولیس کے حوالے کر رہے ہیں، انھوں نے الزام لگایا کہ دھاندلی میں چیف الیکشن کمشنر بھی ملوث ہیں، اور اس وقت بھی راولپنڈی میں جعلی مہریں لگائی جا رہی ہیں۔

Comments


#ملک #بھر #میں #ایکس #ٹوئٹر #سروس #تک #رسائی #میں #دشواری