0

میں تو ’راحت‘ سے سیدھا ’چاہت‘ بن گیا، نسیم شاہ کی ویڈیو وائرل

  • February 16, 2024

قومی ٹیم کے فاسٹ بولر نسیم شاہ کی پی ایس ایل میں بولنگ سے پہلے گلوکاری کرنے کی ویڈیو وائرل ہوگئی۔

سماجی رابطے کی ویب سائٹ ایکس (ٹوئٹر) پر اسلام آباد یونائیٹڈ کی جانب سے ویڈیو شیئر کی جس میں نسیم شاہ ہیڈ فون لگا کر مشہور گانا ’کالی کالی زلفوں کے پھندے نہ ڈالو‘ گنگنا رہے ہیں۔

جب نسیم شاہ نے ہیڈ فون ہٹا کر اپنی آواز سنی تو خود کہا کہ ’میں تو راحت فتح علی خان سے سیدھا چاہت فتح علی خان بن گیا۔‘

واضح رہے کہ فاسٹ بولر نسیم شاہ کی سالگرہ کے موقع پر اسلام آباد یونائیٹڈ کی جانب سے ایک مختصر ویڈیو کلپ سوشل میڈیا پر شیئر کیا گیا ہے جس میں کھلاڑی کو سُر سے سُر ملاتے ہوئے دیکھا جاسکتا ہے۔

یہ مختصر کلپ سوشل میڈیا پر خوب وائرل ہو رہا ہے اور کھلاڑی کی گلوکاری کو بھی صارفین خوب پسند کررہے ہیں۔

یاد رہے کہ نسیم شاہ پی ایس ایل 9 میں اسلام آباد یونائیٹڈ کی نمائندگی کررہے ہیں۔

Comments


#میں #تو #راحت #سے #سیدھا #چاہت #بن #گیا #نسیم #شاہ #کی #ویڈیو #وائرل